Siglir tar il cuntegn

Header

Navigaziun

cuntegn

Naziunal/Internaziunal Cuppa Davis: Svizra out

Jérôme Kym (sanester) e Henri Laaksonen (dretg).
Legenda: Il duo svizzer: Jérôme Kym (sanester) e Henri Laaksonen (dretg). Keystone

Dal turnier da la Cuppa Davis il november che vegn n'è la Svizra betg da la partida. Il team dal capitani Severin Lüthi ha pers a Bienna cunter la Russia cun 1:3.

Il suentermezdi aveva la Svizra anc pudì scursanir en il dubel sin 1:2. Jérôme Kym e Henri Laaksonen avevan battì a Bienna il duo russ Rublew Donskoi cun 4:6, 6:3 e 7:6.

Kym – il pli giuven insumma

Kym è cun ses 15 onns il pli giuven giugader che la Svizra ha laschà giugar ina giada en la Cuppa Davis. El è 1,95m grond è vegn ils 12 da favrer 16. Fin uss tegneva il commentatur da tennis Heinz Günthardt il record dal pli giuven giugader da tennis svizzer a la Cuppa Davis. L'onn 1975 aveva el 16 onns e 244 dis, cura ch'el ha giugà per la Svizra.

RR novitads 17:00