Cuppa mundiala a Tavau - Podest per Dario Cologna

En sia cursa da chasa vegn Dario Cologna ferm terz sur ils 15 kilometers stil liber. Il victur è il campiun olimpic dal skiatlon, Simen Hegstad Krüger. Il Norvegiais gudogna suveran cun in avantatg da 19 secundas sin Sergej Ustjugow da la Russia ch'è stà ina secunda pli svelt che Dario Colgona. Per il Grischun èsi l'emprima plazza da podest en la cuppa mundiala dapi il mars 2018.

Jau sper, quai n'era betg il davos plaz da podest en questa stagiun.

Cologna è partì plitost plaun, ha silsuenter dentant augmentà la spertezza e sin ils davos tschintg kilometers è el vegnì anc considerabel pli spert.

audio

Saira: Passlung – Plaz da podest per Dario Cologna a Tavau

04:02 min, ord Sportissimo dals 15.12.2019.

laschar ir. Durada: 4 minutas 2 Secundas.

Puncts per trais auters Svizzers

En ils puncts sur 15 kilometers skating è era Jonas Baumann currids. El è oz segund meglier Svizzer a Tavau – el è vegnì 22 avel. Puncts hai anc dà per ulteriurs dus Svizzers: Per Beda Klee sco 26avel e Roman Furger sco 28avel.

audio

Jonas Baumann è vegnì segund meglier Svizzer

02:40 min, ord Sportissimo dals 15.12.2019.

laschar ir. Durada: 2 minutas 40 Secundas.

Cun la plazza 33 ha Toni Livers fatg nagins puncts.

audio

Nagins puncts per Toni Livers

00:39 min, ord Sportissimo dals 15.12.2019.

laschar ir. Durada: 39 Secundas.

Ils passlunghists svizzers èn tar la glieud

Suenter il Tavau Nordic tira l'expert da passlung ina bilantscha positiva dals passlunghists svizzers. Per il Tour de ski che cumenzà en duas emnas è Iseppi perquai optimistic.

audio

Bunura: Tavau Nordic – Adriano Iseppi davart passlunghists svizzers

04:15 min, ord Actualitad dals 16.12.2019.

laschar ir. Durada: 4 minutas 15 Secundas.

RTR novitads 17:00