Siglir tar il cuntegn

Header

cuntegn

Naziunal/Internaziunal Cuppa mundiala da skis cumenza cun 17 atlets svizzers

Gino Caviezel e Thomas Tumler èn ils dus skiunzs grischuns ch'èn da la partida cura ch'il circus da la cuppa mundiala entschaiva ils 27 e 28 d'october sin il glatscher da Sölden. Quai ha Swiss Ski annunzià oz.

Carlo Janka na vegn betg ad ir a la partenza. Il skiunz da Sursaissa aveva gia communitgà ch'el desistia. En il slalom gigant haja el pers in bun numer da partenza pervi da sia blessura, uschia ch'i na fetschia nagin senn dad ir. Er Mélanie Meillard e Justin Murisier na vegnan betg a sa participar.

17 atlets svizzers

Swiss-Ski trametta tut en tut 17 atlets en la cursa:

  • Team dals umens: Loïc Meillard, Gino Caviezel, Elia Zurbriggen, Marco Odermatt, Luca Aerni, Thomas Tumler, Cédric Noger, Marc Rochat e Pierre Bugnard.
  • Team da las dunnas: Wendy Holdener, Lara Gut, Michelle Gisin, Aline Danioth, Rahel Kopp, Jasmina Suter, Andrea Ellenberger ed Elena Stoffel .

RR novitads 17:00

Artitgels legids il pli savens