Cuppa Spengler - Il turnier da tradiziun è ina gronda festa

1 / 4

Legenda: Da l'entira Svizra vegnan ils fans per guardar la Cuppa Spengler. Keystone

2 / 4

Legenda: La Cuppa Spengler è per blers er simplamain ina gronda festa. Keystone

3 / 4

Legenda: Buna cumpagnia tutga er tar la Cuppa Spengler. Keystone

4 / 4

Legenda: Per blers è il turnier dapli che mo hockey sin glatsch. RTR, GIAN CARLO CANDINAS

Il spitachel sin il glatsch è mo ina part dal pli vegl turnier da hockey sin glatsch. Dals 26 fin ils 31 da december è Tavau ina gronda chasa da narramenta. Fans da hockey e fans da la cumpagnia e dal far festa giaudan dad esser ina part da la Cuppa Spengler.

audio

Bunura: Ils fans a la Cuppa Spengler

02:53 min, ord Actualitad dals 28.12.2019.

laschar ir. Durada: 2 minutas 53 Secundas.

Betg tuttas equipas èn enconuschentas

Sch'ins va enturn il stadion inscuntran ins da tutta sort fans. Ils passiunads che portan tricot, chapitscha e schlingia, dentant er quests senza utensils da fans. Simplamain persunas che giaudan la tempra da festa durant il turnier da tradiziun.

Il mix da festa e hockey è quai ch'è il spezial vid la Cuppa Spengler.

Uschia enconuschan blers fans n'er betg tut las equipas che fan part da la Cuppa Spengler 2019. Ch'il HCD ed il Team Canada tutgan quasi tar l'inventar dal turnier da tradiziun è enconuschent. Equipas sco Ocelari Trinec ni TPS Turku n'èn dentant betg enconuschentas a tuts.

RTR actualitad 07:00