L'emprima partida dal 90avel turnier per la Cuppa Spengler è decidida en favur dal HC Lugano. La squadra dal Tessin era durant grondas parts dal gieu la squadra dominanta. La decisiun ha purtà il segund terz en il qual ils Bianconeri han sajettà dus gols entaifer da 50 secundas.
Dal HC Lugano èn vegnids sajettads ils gols entras:
- James Wisniewski en la 10avla
- Raffaelle Sannitz en la 32avla
- Ryan Gardner en la 33avla
- Linus Klasen en la 59avla minuta.
Per Jekaterinburg han sajettà ils gols
- Dmitry Monya en la 18avla
- Artyom Gareyev en la 49avla minuta.
Malgrà il timeout dal trenader da Jekaterinburg en l'ultima minuta dal gieu n'hai dà nagina miracla ch'avess vieut il gieu en favur da la squadra russa. Anzi: Linus Klasen dal HC Lugano ha pudì sajettar en l'ultima minuta dal gieu sin il gol vid.
Cuppa Spengler 2016 Resultats
Gieu | Data | Squadra da chasa | Resultat | Squadra d'ordaifer |
---|---|---|---|---|
1 | 26.12.2016 15:00 | HC Lugano | 4:2 | Avtomobilist Yekaterinburg |
2 | 26.12.2016 20:15 | HK Dinamo Minsk | 7:4 | Team Canada |
3 | 27.12.2016 15:05 | Mountfield HK | 4:3 | Avtomobilist Yekaterinburg |
4 | 27.12.2016 20:15 | HC Tavau | 3:4 | Team Canada |
5 | 28.12.2016 15:05 | HC Lugano | 4:3 | Mountfield HK |
6 | 28.12.2016 20:15 | HK Dinamo Minsk | 4:5 | HC Tavau |
7 | 29.12.2016 15:05 | Mountfield HK | 1:5 | Team Canada |
8 | 29.12.2016 20:15 | HC Tavau | 3:1 | Avtomobilist Yekaterinburg |
9 | 30.12.2016 15:05 | HK Dinamo Minsk | 2:3 | Team Canada |
10 | 30.12.2016 20:15 | HC Lugano | 4:0 | HC Tavau |
11 | 31.12.2016 12:00 | Team Canada | --:-- | HC Lugano |
Ils gieus vegnan commentads live sin Radio Rumantsch.
Emprim gieu dal HCD pir ils 27 a las 20:15
L'emprim gieu dals indigens da Tavau è la saira dals 27 da december cunter il perdider dal gieu da la saira dals 26. Il HCD n'ha betg gì ina stagiun simpla en la liga naziunala A ed è da preschent sin plazza set da la liga svizra.
Squadras a la Cuppa Spengler 2016
Num | Pajais/Lieu |
---|---|
Avtomobilist Yekaterinburg | Russia/Jekaterinburg |
HCD | CH/Tavau |
HC Lugano | CH/Lugano |
HK Dinamo Minsk | Bellorussia/Minsk |
Mountfield HK | Tschechia/Hradec Králové |
Team Canada | da tut il Canada |