Il noviz a la Cuppa Spengler Mountfield da la Tschechia ha cumenzà bain il turnier. El gudogna cun 4:3 cunter Jekaterinburg da la Russia. La decisiun da la partida è crudada 4 minutas avant la fin. Richard Jarusek decis la partida per Mountfield.
Cumbat vi e nà
La duas equipas han mussà in cumbat public. Entant ch’ils Tschecs manavan cun 1:0 e 2:1, era Jekaterinburg a la front tranter minuta 40 e 53, quai cun 3:2, grazia als gols da monja, Goljschew e Cajkovski. Jekaterinburg ha dentant manchentà da decider il gieu en questa fasa.
Sco Jarusek è er Roman Kukumberg (omadus en il powerplay) tar Hradec Kralove sa profilà sco tiradur dubel.
Lugano - Mountfield: duel per victoria da gruppa
Jekaterinburg ha pia pers il segund gieu e vegn terminar la gruppa sin l’ultim plaz. Hradec Kralove cumbatta la mesemna cunter Lugano per la victoria da gruppa ed uschia per la directa qualificaziun dals mezfinals.
RR novitads 18:00
Cuppa Spengler 2016 Resultats
| Gieu | Data | Squadra da chasa | Resultat | Squadra d'ordaifer |
|---|---|---|---|---|
| 1 | 26.12.2016 15:00 | HC Lugano | 4:2 | Avtomobilist Yekaterinburg |
| 2 | 26.12.2016 20:15 | HK Dinamo Minsk | 7:4 | Team Canada |
| 3 | 27.12.2016 15:05 | Mountfield HK | 4:3 | Avtomobilist Yekaterinburg |
| 4 | 27.12.2016 20:15 | HC Tavau | 3:4 | Team Canada |
| 5 | 28.12.2016 15:05 | HC Lugano | 4:3 | Mountfield HK |
| 6 | 28.12.2016 20:15 | HK Dinamo Minsk | 4:5 | HC Tavau |
| 7 | 29.12.2016 15:05 | Mountfield HK | 1:5 | Team Canada |
| 8 | 29.12.2016 20:15 | HC Tavau | 3:1 | Avtomobilist Yekaterinburg |
| 9 | 30.12.2016 15:05 | HK Dinamo Minsk | 2:3 | Team Canada |
| 10 | 30.12.2016 20:15 | HC Lugano | 4:0 | HC Tavau |
| 11 | 31.12.2016 12:00 | Team Canada | --:-- | HC Lugano |
Ils gieus vegnan commentads live al Radio Rumantsch.
Squadras a la Cuppa Spengler 2016
| Num | Pajais/Lieu |
|---|---|
| Avtomobilist Yekaterinburg | Russia/Jekaterinburg |
| HCD | CH/Tavau |
| HC Lugano | CH/Lugano |
| HK Dinamo Minsk | Bellorussia/Minsk |
| Mountfield HK | Tschechia/Hradec Králové |
| Team Canada | da tut il Canada |
Durant mintga gieu da la Cuppa Spengler datti da gudagnar ina chapitscha dal HCD sin Radio Rumantsch. Tedlai pia radio mintgamai a partir da las…
- 15:00 fin ca las 17:00
- 20:00 fin ca las 22:00
L'acziun è davent dals 26 fin e cun ils 30.12.2016. Al final da la Cuppa Spengler na datti nagina chapitscha da gudagnar.
