Siglir tar il cuntegn

Header

Giugader da HCD en acziun
Legenda: Er cunter Turku n'ha il HCD betg chattar il recept da success. Keystone
cuntegn

Cuppa Spengler Per il HCD è il turnier a fin

Per il club ospitant è la Cuppa Spengler gia a fin. Quai è l'emprima giada dapi il 2010, cura ch'il nov modus è vegnì introducì, ch'ils da Tavau crodan or gia uschè baud.

Ils hockeyans Grischuns han pers il quartfinal cunter TPS Turku cun 1:3. Il club finlandais frunta il glindesdi en il mezfinal sin il Team Canada.

  • 9' Yannick Frehner (Benjamin Baumgartner) 1:0
  • 16' Lauri Pajuniemi (Juuso Parssinen) 1:1
  • 49' Joel Janatuinen 1:2
  • 56' Joel Janatuinen (Elias Karvonen) 1:3
audio
Bunura: Schef da sport Raeto Raffainer davart Cuppa Spengler 2019
02:51 min, Actualitad dals 29.12.2019.
laschar ir. Durada: 02:51 minutas.
audio
Claude-Curdin Paschoud: Tge ha mancà en il gieu cunter Turku?
00:15 min, Actualitad dals 29.12.2019.
laschar ir. Durada: 00:15 minutas.

Cuntrari al gieu cunter il Team Canada (1:5) han il HCD puspè dà il gieu cunter Turku cun il cader cumplet. Uschia èn ils trais giugadurs da rinforzament (Pesonen, Wellmann e Kristo) sco er Nygren, Tedenby e Palushaj puspè stads sin il glatsch.

Gia suenter nov minutas han els pudì manar cun 1:0, grazia ad in gol che Frehner ha fatg.

Silsuenter èn ils Finlandais sa meglierads ed han dumagnà da volver il gieu grazia ad in gol da Pajuniemi e dus da Janatuinen.

Avant il gieu

Cun 1:5 ha il HCD pers ier saira cunter il Team Canada. Plirs giugaders èn vegnids schanegiads tar Tavau, uschia che l'equipa n'ha gì nagina schanza cunter il topfavurit dal turnier. Per questa decisiun da schanegiar giugaders hai dentant er dà critica da fans.

audio
Cuppa Spengler – Christian Wohlwend davart la strategia da schanegiar giugadurs
03:43 min, Sportissimo dals 29.12.2019.
laschar ir. Durada: 03:43 minutas.

RTR novitads 15:00++

Artitgels legids il pli savens

Scrollar a sanestra Scrollar a dretga