TPS Turku ha battì l'equipa da la KHL, Salawat Ufa en ses emprim gieu a la Cuppa Spengler, quai cun 4:3. Quai munta che Turku ed Ambri cumbattan sonda en la gruppa Torriani per la victoria da gruppa. Il victur è lura directamain en il mezfinal.
L'equipa da Turku ha giugà davent il cumenzament cun fitg grond engaschi. Ils Russ perencunter n'èn betg propi stads inspirads e han giugà, per part, fitg lamaschi. A Turku ha tanschì in spurt da 257 secundas suenter la mesadad dal gieu. Entaifer quai temp han ils Finlandes sajettà trais gols ed èn ir cun 4:1 en avantatg. La reacziun dad Ufa cun dus gols en las ultimas minutas, è vegnì memia tard.
RTR novitads 18:00