Losanna declassescha Xamax
Il Leader da la Challenge League Losanna è sa qualifitgà cun ina victoria da 6:0 cunter Xamax per l'otgavel final da la Cuppa svizra. Cun quatter gols tranter la 31avla e la 45avla minuta han ils ballapedists dal Vad gia quasi decis la partida en l'emprima mesadad. Cunzunt il gol da Kukuruzovic al 4:0 è stà remartgabel. Quel ha el fatg ord sia mesadad da la plazza. Xamax n'ha gì naginas schanzas.
Rapperswil-Jona è vinavant
Il club da la Promotion League ha gudagnà cunter Bulle (1. Liga) cun 3:2. Rapperswil ha gì fadia. Il goli da Rapperswil-Jonha ha evità cun ina parada en las ultimas minutas che Bulle avess pudì egualisar la partida.
Las partidas dals quartfinals
Suenter questas duas ultimas partidas dals otgavels finals èsi vegnì tratg la sort per las partidas dals quartfinals. Ils 3 e 4 da mars 2020 giogan ils suandants clubs in cunter l'auter:
- Losanna – Basilea
- Rapperswil – Sion
- Lucerna – Young Boys
- Winterthur – Bavois
RR novitads 23:00