Naziunal/Internaziunal
-
Cuppa svizra - Ralph Näf gudogna classament general
Per la fin da sia carriera sco mountainbiker activ ha Ralph Näf gudagnà il classament general da la cuppa svizra. Näf ha gudagnà a Muttenz/Basilea il final da quella seria avant Nicola Rohrbach e Lars Forster. Lukas Flückiger ch'era il davos concurrent en il classament general è vegnì quart.
Ralph Näf ch'ha 35 onns sa retira la fin da la stagiun sco profi da mountainbike. En il decurs da sia lunga carriera è Näf vegnì campiun mundial en las disciplinas eliminator e maraton. En la disciplina olimpica cross country ha Ralph Näf gudagnà argient e bronz a campiunadis mundials.
RR sportissimo 17:00
