L’equipa da curling da Flem cun il skip Binia Feltscher ha gudagnà il campiunadi mundial. En in final plain tensiun han las Svizras battì il Giapun cun 9:6.
La decisiun è crudada en il 10avel end. Il skip giapunais Satsuki Fujisawa ha mussà gnerva. L’equipa dal Giapun sto uschia sa cuntentar cun la medaglia d’argient en lur emprim final.
Segund titel per CC Flem
Per Binia Feltscher, Christine Urech, Franziska Kaufmann ed Irene Schori è quai però gia il segund titel da campiun mundial suenter il 2014.
Tut en tut ha la Svizra triumfà 4 giadas ils ultims 5 onns.
RR novitads 06:00