En il final da sonda fruntan Marcel Käufeler, Romano Meier, Michael Brunner e Yannick Schwaller sin il grond favurit la Svezia. Lezs han gudagnà lur mezfinal cunter la Scozia cun 8:4.
Il skip svedais Niklas Edin ha gia gudagnà set giadas il titel da campiun europeic e quatter giadas il titel da campiun mundial. El è er il campiun mundial actual.
Meglier debutant dapi 24 onns
Avant Yannick Schwaller han gia sis skips d'equipas dad umens svizzers er gia cuntanschì il final a lur emprima participaziun ad in campiunadi europeic u mundial. L'ultima giada è quai stà il 1995. Lura ha André Florton cun l'equipa da Winterthur pers il final al campiunadi europeic a Grindelwald cunter la Scozia cun ses skip legendar Hammy McMillan.
RR novitads 22:00
