Siglir tar il cuntegn
cuntegn

Naziunal/Internaziunal Curling: Emprim gieu ed emprima terrada

Als campiunadis europeics han ils Svizzers cun il skip Peter de Cruz pers cunter la Svezia cun 6:7.

Peter de Cruz gratulescha a Niklas Edin.
Legenda: Peter de Cruz gratulescha a Niklas Edin. Keystone

Il cumenzament dals campiunadis europeics a Tallinn en l'Estonia n'è betg gartegià als Svizzers cun il skip Peter de Cruz. Cunter ils gronds favurits da la Svezia han els pers cun 6:7 – quai suenter ch'els avevan manà la partida dal 2. fin tar il 6. end cun 5:2.

Ils Svedais èn actualmain il team cun il pli grond success. Els èn actualmain campiuns mundials, han gudagnà argient a l'olimpiada e campiuns europeics da las ultimas quatter stagiuns. Tuttina è il team da Genevra cun skip Peter de Cruz, Valentin Tanner, Benoît Schwarz e Sven Michel stà in adversari egual.

La sonda suentermezdi a las 14:00 cumenza il turnier er per las dunnas svizras cun la skip Silvana Tirinzoni. Ellas scuntran l'Italia, las victuras da bronz da l'onn passà. La sonda saira fruntan lura er ils umens en lur segunda partida sin l'Italia.

RR novitads 12:00