Siglir tar il cuntegn

Header

Navigaziun

l'equipa da curling da las dunnas tegn ad aut il pocal
Legenda: L'equipa dal CC Aarau, campiunessas mundialas 2019. Keystone
cuntegn

Naziunal/Internaziunal Curling: Las Svizras èn campiunessas mundialas

Aur per las curlistas svizras al campiunadi mundial a Silkeborg en il Danemarc. L'equipa dal CC Aarau cun il skip Silvana Tirinzoni gudogna il final cunter las victuras olimpicas da la Svezia cun 8:7 suenter end supplementar e cun l'avantatg da l'ultim crap.

Melanie Barbezat, Esther Neuenschwander, Alina Pätz e Silvana Tirinzoni eran vegnidas cun ina bilantscha da 8:4 victorias en ils gieus da k.o. Igl è gia il tschintgavel titel dapi il 2012 per las curlistas svizras. Per Silvana Tirinzoni èsi l'emprim titel. La Turitgaisa è gia sa participada al campiunadi mundial ils onns 2006, 2007 e 2013, mintgamain senza success.

Las medaglias d'aur fin uss:

2019: Aarcau (Silvana Tirinzoni)

2016: Flem (Binia Feltscher)

2015: Baden Regio (Alina Pätz)

2014: Flem (Binia Feltscher)

2012: Tavau (Mirjam Ott)

1983: Berna-Egghölzli (Erika Müller)

1979: Basilea-Albeina (Gaby Casanova)

Il 1979 hai dà per l'emprima giada in campiunadi mundial dal curling da las dunnas.

RR novitads 20:00