Las curlistas svizras enturn la skip Silvana Tirinzoni han cuntanschì er en la segunda runda dals campiunadis europeics a Tallinn ina victoria. Cunter la Tschechia han ellas gudagnà cun 8:5. Melanie Barbezat, Esther Neuenschwander, Silvana Tirinzoni ed Alina Pätz dal CC Aarau han cumenzà la partida cunter las Tschecas cun la skip Anna Kubeskova cun in punct engulà. Cun ina chasa da trais en il terz end han ellas pudì dominar cleramain la partida e davent da là er tegnì la controlla.
Sco gia en la partida da la sonda cunter l'Italia han las Svizras pudì realisar ina fitg buna quota cun var 90% craps gartegiads.
En la proxima partida fruntan las curlistas svizras la dumengia saira a las 18:00 sin la Svezia.
Campiunadi europeic
RR novitads 11:00