Siglir tar il cuntegn

Header

L'equipa dal Giapun cun il skip Satsuki Fujisawa suenter la victoria dal mezfinal a Swift Current
Legenda: L'equipa dal Giapun è surprendentamain en il final Keystone
cuntegn

Naziunal/Internaziunal Curling: Svizra dat final cunter Giapun

L’equipa da curling da Flem cun il skip Binia Feltscher frunta en il final dal campiunadi mundial a Swift Current en la provinza canadaisa Saskatchewan sin l'equipa dal Giapun.

Questa saira va i per aur. L’equipa Svizra ha la schanza da daventar per la terza giada en seria champiunessa mundiala da curling. I fiss er il quart titel en tschintg onns.

Medema equipa

Avant dus onns ha il team da Flem gudagnà cun prezis la medema equipa: Binia Feltscher, Christine Urech, Franziska Kaufmann ed Irene Schori. Sonda en damaun aveva l'equipa cun il skip Binia Feltscher gudagnà cleramain il mezfinal cunter las Giapunaisas cun 8:4.

Las Asiatas cun il skip Satsuki Fujisawa han gudagnà il mezfinal cunter la Russia, las champiunessas d'Europa, e quai cun 7:5 suenter end supplementar.

Il final dal campiunadi mundial da curling a Swift Curent vegn emess live questa saira a las 23:00 temp svizzer sin SRF 2.

RR novitads 10:00

sda/sc