Siglir tar il cuntegn
cuntegn

Naziunal/Internaziunal Curlistas svizras n'èn betg da franar

La squadra svizra da las dunnas ha gudagnà en l'Estonia a moda suverana er cunter il Danemarc – quai cun 10:6.

La skip da las Svizras, Silvana Tirinzoni.
Legenda: La skip da las Svizras, Silvana Tirinzoni. SRF, Freshfocus

Al campiunadi europeic da curling a Tallin cuntinueschan las victorias da las dunnas svizra. L'equipa dal CC Aarau cun la skip Silvana Tirinzoni ha er gudagnà il sisavel gieu, quai cun 10:6 cunter il Danemarc. Per cuntanscher ils mezfinals ston las Svizras mo anc gudagnar ina da las ultimas trais partidas da la Round Robin.

Squadra dals umens gudogna terz da sis gieus

La squadra da curling svizra enturn il skip Peter De Cruz ha pudì ademplir la rolla da favurit cunter la Pologna. Il quartet da Genevra ha gudagnà la segunda partida en seria cun 9:3 ed uschia meglierà sia billatscha al campiunadi europeic a Tallinn en l'Estonia sin 3:3. Las schanzas da playoff restan uschia intactas per Valentin Tanner, Peter De Cruz, Sven Michel e Benoît Schwarz.
Il glindesdi saira a las 18:00 fruntan ils Svizzers lura sin la Russia.

Peter de Cruz e Benoît Schwarz.
Legenda: Peter de Cruz e Benoît Schwarz. Keystone

RR novitads 11:00