Naziunal/Internaziunal - Curlists svizzers en il mezfinal
A la fin da la fasa da gruppa dal campiunadi d’Europa da curling en il Danemarc han ils Svizzers cun il skip Peter De Cruz battì l’Ollanda cun 10:6. Uschia è l’equipa svizra en il mezfinal e frunta là il venderdi sin la Finlanda.
Il quartet svizzer cun Peter De Cruz, Valentin Tanner, Claudio Pätz e Benoît Schwarz ha gudagnà en la fasa da gruppa 5 da nov 9 gieus. Igl è stà in si e giu en questa emprima fasa dal campiunadi d’Europa.
En il segund mezfinal dat la Norvegia encunter il victur dal duel tranter la Scozia ed il defensur dal titel e favurit, la Svezia. Er quest mezfinal è il venderdi, ils 27 da november.
