Siglir tar il cuntegn
Inhalt

Naziunal/Internaziunal Curlists svizzers volvan partida e gudognan 12:11

Al campiunadi mundial da curling a Las Vegas han ils curlists svizzers egualisà la bilantscha. Suenter l'entschatta flaivla cun 3 terradas, ha il team enturn il skip Marc Pfister gudagnà 3 partidas en seria.

marc pfister sin il glatsch
Legenda: Cun ils ultims dus ends han ils curlists svizzers enturn il skip Marc Pfister pudì volver la partida a la victoria da 12:11. Keystone

Suenter che la Svizra era en il 8avel end anc en dischavantatg cun 8:11 cunter la Corea dal Sid – e la partida pareva persa – han ils curlists svizzers dal CC Adelboden enturn il skip Marc Pfister la finala gudagnà cun 12:11. Cun in end da 2 puncts ed in end da 2 puncts engulads hani però pudì volver il gieu.

Per la Svizra è quai la terza victoria en seria al campiunadi mundial da curling a Las Vegas, suenter il 7:4 cunter la Germania ed il 6:5 encunter l'Italia. Quai suenter in mal start en il campiunadi mundial cun 3 terradas. Uschia èn ils quartfinals puspè en vista. Per gliez stoni esser classads tranter ils megliers 6 dals total 13 teams.

RR novitads 10:00