Sabine Hauswirth, Simona Aebersold e Julia Jakob han manchentà aur be per 4 secundas. Campiunessas mundialas èn las Svedaisas e sin plazza trais è la Russia. Ina ferma cursa ha mussà la Svizra Simona Aebersold. La Bernaisa ha gia gudagnà bronze sur la distanza lunga ed argient sur la distanza mesauna. Sco segunda curridura ha Aebersold prendì suenter in retard da 45 secundas e surdà il bastun schizunt cun in pitschen avantatg sin las Svedaisas. Julia Jakob ha sco ultima Svizra betg pudì distanziar la Svezia e stuì laschar surpassar en il spurt final da la Svedaisa Karolin Ohlsson.
RR novitads 21:00