La cursa rapida da Kitzbühel è gia damaun venderdi enstagl da sonda. Sin fundament da la previsiun da l'aura èn ils organisaturs sa decidids per quest pass. Per la sonda duessi dar naiv e plievgia. Il slalom ha lieu da nov la sonda enstagl da la dumengia, il super-G la dumengia enstagl dal venderdi .
Il trenament da la cursa rapida ha gudagnà oz l'Austriac Hannes Reichelt. Meglier Svizzer è daventà Mauro Caviezel sco 7avel. Beat Feuz ha pers sin Reichelt exact 3 secundas ed è vegnì 32avel.
RR novitads 15:00