Cursas internaziunalas da biatlon a Lantsch

Dals 8 fin ils 10 da december 2017 han lieu per l'emprima giada cursas internaziunalas da biatlon sin il stgalim d'elita en l'arena da biatlon a Lantsch. Passa 300 biatletas e biatlets ord bun 40 naziuns vegnan a cumbatter per puncts en la cuppa IBU.

L’arena da biatlon a Lantsch l'atun Bild in Lightbox öffnen.

Legenda da maletgs: L’arena da biatlon a Lantsch è gia stada pronta l’atun per ils emprims curridurs da biatlon. Keystone

La cuppa IBU è suenter la cuppa mundiala la segund'auta seria da biatlon, cumparegliabla cun la cuppa d'Europa en il sport da skis. A Lantsch vegn organisà per l'emprima giada insumma cursas da quella seria en Svizra. Uschia è quai in proxim pass per ina gia astgar organisar cursas da la cuppa mundiala.

Las grondas naziuns èn preschentas

Sco grondas naziuns da biatlon vegnan oravant tut la Germania, la Norvegia e la Russia a trametter in'entira roschada atletas ed atlets a Lantsch. Tgi che parta per la Svizra n’è anc betg cler, Swiss Ski fa la selecziun ils proxims dis.

RR novitads 12:00