Siglir tar il cuntegn

Header

La triatleta Daniela Ryf
Legenda: La veglia e nova campiunessa mundiala dal ironman Daniela Ryf. Keystone
cuntegn

Naziunal/Internaziunal Daniela Ryf defenda titel a Hawai

Sin il Hawai gudogna la Svizra Daniela Ryf il titel da campiunessa mundiala dal ironman en moda e maniera surprendenta.

Sper da defender ses titel da l'onn passà gartegi a l'atleta da 29 onns dal chantun Soloturn era da meglierar il record dal percurs per betg main che 5 minutas. A la segunda da quest onn, l'Australiana Mirinda Carfrae, distanziescha Ryf per passa 23 minutas. Terza vegn l’Americana Heather Jackson.

Ina cursa nunditga

Daniela Ryf ha mussà prestaziuns excellentas en tut las trais disciplinas.

Ella noda sur ina distanza da 3,8 kilometers en 52:50 minutas, per ir cun velo sur 180 kilometers dovra ella 4:52:26 ed il maraton absolva ella en in temp da record persunal da 2:56:52 uras.

Ils umens tudestgs domineschan

Tar ils umens datti in traidubel triumf per ils Tudestgs al ironman sin il Hawai: Campiun mundial daventa Jan Frodeno, avant Sebastian Kienle e Patrick Lange. Meglier Svizzer daventa Ronnie Schildknecht sin plazza 15.

RR novitads 06:00