Siglir tar il cuntegn

Header

cuntegn

Naziunal/Internaziunal Dario Cologna manchenta podest

Il passlunghist grischun ha manchentà per pauc ses segund podest da la stagiun. En la cursa a Toblach (It.) sur 15 km en il stil classic è Dario Cologna vegni quart. Gudagnà la cursa ha ina giada dapli il Norvegiais Martin Johnsrud Sundby.

Cologna ha mussà a Toblach in fitg buna cursa. Il Grischun è stà tar tut ils temps intermediars datiers dals pli sperts. La fin finala han 12 secundas manca ad el per il segund podest da questa stagiun.

Sin il victur Sundby ha Cologna dentant pers ina minuta. Il manader dal classament general, ch’ha gia gudagnà 5 cursas questa stagiun, n’è era betg stà da dumagnar en il Triol dal Sid. Il Russ Alexander Bessmertnykh (+12,6 secundas) ed il Norvegiais Sjur Roethe (+48,6) ha cumplettà il podest.

Artitgels legids il pli savens