Er il tschintgavel duel tranter il HCD ed Ambri-Piotta e stà in duel stretg. Er questa partida e vegnida decisa pir en la lutga da penaltis. Sco gia la davosa giada ch’igl è vegnì a quest duel ha il HCD la fin finala fatg la differenza.
Bun cumenzament per Tavau
Il patrun chasa era ì en avantatg encunter Ambri ch'è vegnì fitg ferm decimà a Tavau. Betg main che diesch giugaders èn per il mument ferids u alura malsauns. Tuttina ha Ambri anc stort la partida fin en la 37avla minuta. Il pari da Tavau ha Aaron Palushaj fatg pir stgars tschintg minutas avant la fin. Uschia è igl vegnì a la prolungaziun è silsuenter a la lutga da penaltis. Cun il 17avel penalti ha Mattias Tedenby fatg tut cler. El è sta l’unic giugader da Tavau che ha tuc era dus penaltis.
Qualifitgà definitiv per playoffs
Suenter la victoria en la lutga da penaltis èsi cler ch'il HCD è da la partida en ils playoffs. Suenter la stagiun per emblidar l’onn passà ina gronda satisfacziun.
Hockey tabella liga naziunala A
| gieus | gols | puncts | ||
| 1. | Zug | 49 | 146:120 | 90 |
| 2. | ZSC Lions | 49 | 162:123 | 88 |
| 3. | Tavau | 49 | 154:139 | 86 |
| 4. | Genevra | 49 | 134:115 | 86 |
| 5. | Bienna | 49 | 149:140 | 78 |
| 6. | Friburg | 49 | 121:130 | 73 |
| 7. | Losanna | 49 | 133:129 | 72 |
| 8. | Lugano | 49 | 124:135 | 69 |
| 9. | Berna | 49 | 129:139 | 68 |
| 10. | Ambri | 49 | 116:135 | 60 |
| 11. | SCL Tigers | 49 | 113:146 | 60 |
| 12. | Lakers | 49 | 126:156 | 52 |
RTR novitads 23:00