En il final dal turnier da tennis a Roma frunta Novak Djokovic sin Andy Murray. Il Serb ha battì il Giapunais Kei Nishikori en trais sets cun 2:6, 6:4 e 7:6.
Il scot Murray ha battì il Franzos Lucas Pouille cleramain en dus sets cun 6:2 e 6:1.
Gia avant in’emna han Djokovic e Murray dà il final da Madrid in cunter l’auter. Lura aveva il numer 1 ord la Serbia gudagnà en trais sets.
Duell american tar las dunnas
Tar las dunnas datti a Roma in final american: Madison Keys frunta sin sia cumpatriota e numer 1 dal mund Serena Williams.
RR novitads 06:00