Siglir tar il cuntegn

Header

cuntegn

Naziunal/Internaziunal Dira terrada per naziunala svizra da hockey

La naziunala svizra da hockey ha dà or maun la segunda victoria a la cuppa da la Germania ad Augsburg. Ils Svizzers han pers oz suentermezdi encunter ils Stadis Unids da l’America cun 4:5 suenter prolungaziun.

Igl è ina dira terrada damai ch'ils Svizzers manavan anc fin la 44avla minuta cleramain cun 4:1. Mo durant la davosa quart’ura ha l'equipa che vegn trenada ad interim da John Fust dà or da maun il gieu.

USA ha surpiglià la testa

Il gol decisiv per ils Stadis Unids da l'America è crudà en la terza minuta da la prolungaziun. Ils gols per ils Svizzers han sajettà Luca Cunti, Lino Martschini e dus gols da Gregory Hofmann. En la tabella ha l'USA ussa surpiglià la testa cun 5 puncts, in punct avant la Svizra.

Questa saira dat lura il ospitant, la Germania encunter la Slovachia. Duas equipas ch'han spers ier l’emprim gieu da quest turnier. Ils Svizzers dattan lura damaun anc il davos gieu, quai il suentermezdi a l'ina encunter la Slovachia.

RR novitads 17:00

Artitgels legids il pli savens