Siglir tar il cuntegn

Header

cuntegn

Naziunal/Internaziunal Djokovic eliminescha Federer a Melbourne

Per Roger Federer è l’emprim Grand Slam da l’onn, l’Australian Open a Melbourne, a fin. Federer ha pers ses mezfinal encunter Novak Djokovic en quatter sets.

Il Serb, il grond favurit e defensur dal titel, ha gudagnà il classicher cun 6:1, 6:2, 3:6 e 6:3. Oravant durant ils emprims dus sets ha Djokovic laschà nagina schanza a Federer. Durant l’emprima ura ha giugà cun ina enorma dominanza. Federer n’ha mai chattà in resposta encunter il dominatur dals davos onns.

Jau hai giugà nunditg en ils emprims dus sets. Ma quai è er necessari encunter Roger.
Autur: Novak DjokovicFinalist al Australian Open 2016
  • 12 dals emprims 14 puncts èn ids a Djokovic.
  • En be 22 minutas ha Djokovic gudagnà l’emprim set cun 6:1.
  • En 32 minutas ha Djokovic er gudagnà il segund set cun 6:2.

Djokovic er il grond favurit en il final

Novak Djokovic ha la schanza da triumfar per la 6avla giada al Australian Open. En il final frunta il numer 1 dal mund sin il victur dal duel tranter il scot Andy Murray ed il canadais Milos Raonic.

RR novitads 12.00

Artitgels legids il pli savens

Scrollar a sanestra Scrollar a dretga