Ditg ha David Ferrer tegnì pitg al serb Djokovic, mo tar il stan da 4:4 en il segund set è sia resistenza dada ensemen dal tuttafatg. Gist trais schanzas sin in break ha Djokovic gì e realisà quel gia cun l’emprima balla al 5:4. Il rest è alura ì senza pli gronds problems per il Serb.
Final cunter in Svizzer
En il final frunta il numer 1 dal mund segiramain sin in svizzer. Sonda saira dat numnadamain Roger Federer il mezfinal cunter Stan Wawrinka.