Naziunal/Internaziunal Djokovic en final da Wimbledon

Il defensur dal titel a Wimbledon, Novak Djokovic ha cuntanschì il final dal turnier da Grand Slam a Wimbledon. Il Serb ha battì il Franzos Richard Gasquet en trais sets 7:6, 6:4 e 6:4.

En il segund mezfinal gioga Roger Federer cunter il Scot Andy Murray.

Tar il dubel da las dunnas ha Martina Hingis ensemen cun l’Inda Sania Mirza cuntanschì il final. Ellas han battì las Americanas Raquel Kops-Jones ed Abigail Spears en dus sets 6:1 e 6:2.