Legenda:
Novak Djokovic ha gudagnà l'emprima e fin ussa la suletta giada l'US Open l'onn 2011.
Keystone
cuntegn
Naziunal/Internaziunal - Djokovic en il mezfinal
Per la novavla giada en roda ha Novak Djokovic cuntanschì il mez final da l'US Open. Il Serb ha battì en il quartfinal il Spagnol Feliciano Lopez en quatter sets 6:1, 3:6, 6:3 e 7:6. En il mezfinal frunta Djokovic sin il defensur dal titel, il Croat Marin Cilic che ha battì Jo-Wilfried Tsonga.
Tar las dunnas ha intressà il duel tranter las soras Serena e Venus Williams. Danovmain ha il numer 1, Serena, dominà il gieu. Ella ha gudagnà cunter sia sora pli veglia cun 6:2, 1:6 e 6:3. En il mezfinal frunta ella sin la Taliana Roberta Vinci.
A Serena Williams mancan anc duas victorias per gudagnar il Grand Slam (gudagnar ils quatter turniers da tennis gronds il medem onn).
