Djokovic gudogna a Miami

Il Serb Novak Djokovic ha suenter sias victorias a l'Australian Open ed Indian Wells era gudagnà il turnier da tennis a Miami, il terz turnier grond da la stagiun. Djokovic ha battì il Scot Andy Murray suenter duas uras e trais quarts cun 7:6, 4:6 e 6:0.

Il numer in dal mund Novak Djokovic. Bild in Lightbox öffnen.

Legenda da maletgs: Il numer in dal mund Novak Djokovic. Keystone

Andy Murray ha bain pudì ir duas giadas en avantatg en l'emprim set cun far duas giadas in break encunter Novak Djokovic. Il Serb ha dentant mintgamai pudì puspè egualisar la partida cun far in rebreak. Il Tiebreak ha Djokovic, il numer in dal mund, lura pudì decider cler per el cun 7:3.

E schebain ch'il Scott Andy Murray ha pudì gudagnar il segund set cun 6:4, ha el la fin finala lura pers cler il terz e decisiv set cun 0:6.

Hingis gudogna dubel

Il titel dal dubel da las dunnas ha la Svizra Martina Hingis gudagnà ensemen cun Sania Mirza da l'India. Ellas han dumagnà il duo russ Makarowa/Wesnina en dus sets cun 7:5 e 6:1. Quai è il 43avel titel en il dubel per Martina Hingis.

RR novitads 07:00