En l'Australian Open a Melbourne ha il nummer 1 dal mund, il Serb Novak Djokovic, mussà al Spagnol Rafael Nadal ch'el è il nummer 2. En mo trais sets ha Djokovic fatg ceder Nadal cun 6:3, 6:2 e 6:3.
Per Djokovic è quai la settavla victoria d'in turnier da Grand Slam. Quai è in nov record. Tut en tut vegn Djokovic uschia sin 15 titels da Grand Slam. Roger Federer ha fin uss gudagnà 20 titels da Grand Slam ed è actualmain il nummer 3 dal mund.
RR novitads 12:00