Siglir tar il cuntegn

Naziunal/Internaziunal Djokovic na lascha nagina schanza a Goffin

Il numer dus dal mund Novak Djokovic ha cuntanscha il mezfinal al Masters a Londra, quai cun trais victorias e ina bilantscha perfetga. Il Serb fa squitscha ad Andy Murray.

Novak Djokovic na lascha nagina schanza a David Goffin.
Legenda: Cumpletta concentraziun Novak Djokovic na lascha nagina schanza a David Goffin. Reuters

En ses ultim gieu da prerunda ha Djokovic fatg curt process cun il substitut beltg David Goffin. Il dominatur dals ultims onns è sa mess atras en 70 minutas cun 6:1 e 6:2. Cumenzà aveva Djokovic la partida cun sbagls da dubel.

Suenter dentant n’ha David Goffin betg pli gì schanza. El ha remplazzà Gaël Monfils ch’è sa blessà vid ina costa. Pir cunter la fin ha Goffin fatg in break cunter Djokovic, lura era la partida dentant gia decidida.

Duel da mezfinal per numer 1?

En ils mezfinals da la sonda frunta Novak Djokovic sin il segund da la gruppa Wawrinka, pia u sin Andy Murray, Kei Nishikori u Stan Wawrinka. Sch’i dat in duel da mezfinal cunter Murray, lura finescha il victur da la partida l’onn sco numer 1 dal mund. Uschiglio maina quel cun il meglier resultat da Londra la glista mundiala.

RR novitads 17:00