Siglir tar il cuntegn

Naziunal/Internaziunal Djokovic triumfescha er a Schanghai

Novak Djokovic ha er mussà en il gieu da final a Schanghai ch’el è il mument il cler numer 1 dal mund. Il Serb ha battì il Franzos Jo-Wilfried Tsonga en dus sets ed uschia gudagnà ses segund titel entaifer in’emna.

Novak Djokovic
Legenda: Novak Djokovic dominescha il mument suveran il circus da tennis. Keystone

Avant 7 dis ha Novak Djokovic triumfà al turnier da tennis a Peking, ussa gudogna el er il turnier a Schanghai. En il final ha el battì questa giada Jo-Wilfried Tsonga cun 6:2 e 6:4. Novak Djokovic ha uschia pers gnanc in set durant l’entir turnier.

Cun excepziun da Doha il schaner ha Novak Djokovic adina cuntanschì il final als davos 13 turniers. En la rangaziun mundiala maina il Serb cun i avantatg da passa 7’000 puncts sin il campiun olimpic, il Brit Andy Murray. Terz è Roger Federer, quart Stan Wawrinka.

RR novitads 13.00