Siglir tar il cuntegn
cuntegn

Naziunal/Internaziunal Djokovic vegn en il final da Paris cunter Wawrinka

Al French Open a Paris ha Novak Djokovic gudagnà cunter Andy Murray en 5 sets. El frunta uschia en il final sin Stan Wawrinka

djokovic en acziun
Legenda: Suenter passa 4 uras da cumbat ha Novak Djokovic decidì il gieu cunter Andy Murray. Keystone

Il serb Novak Djokovic ha duvrà 5 sets e passa 4 uras per gudagnar cunter il scot Andy Murray. Il nummer 1 dil mund, Djokovic, ha battì Murray en il mezfinal cun 6:3, 6:3, 5:7, 5:7 e 6:1.

Mezfinal cun interrupziuns

Il gieu aveva entschiet venderdi; era lura però vegnì interrut pervia dad in stemprà. Sonda ha il gieu continuà tar il resultat da 2:1 sets per Djokovic, e 3:3 en il quart set. L'emprim ha Murray bain dà en il tact. dau en all'entschatta il tact cun gudagnar il 4. set. Il 5. set ha però Djokovic dominà cleramain ed ha gudagnà el cun in as tar la segunda balla da set al 6:1.

Djokovic frunta uschia en il final da dumengia sin il svizzer Stan Wawrinka.

RR novitads 15:00