Siglir tar il cuntegn

Header

Il Serb Novak Djokovic ha gì ina stagiun incredibla fin qua.
Legenda: Il Serb Novak Djokovic ha gì ina stagiun incredibla fin qua. Keystone
cuntegn

Naziunal/Internaziunal Dominanza da Djokovic cuntinuescha

Novak Djokovic n’è betg da batter il mument. Cun 6:2 e 6:4 cunter il Scot Andy Murray, ha il Serb e numer in dal mund segirà a Paris-Bercy ses 10avel titel da la stagiun.

Ier en il mezfinal cunter Stan Wawrinka ha Novak Djokovic per l’emprima giada dapi l’US Open puspè stuì dar giu in set. En il final cunter Andy Murray è il numer in dal mund dal tennis puspè sa preschentà da sia meglra vart.

Djokovic ha mo en il segund set mussà in zichel flaivlezzas. A Murray èsi là grategia da far in break cunter Djokovic. Dentant pauc pli tard ha el puspè fatg il rebreak il Scott ed uschia procurà per la decisiun en il final da tennis a Paris-Bercy.

RR novitads 18:00

La stagiun incredibla da Novak Djokovic

Doha (ATP 250)quartfinal (pers cunter Karlovic)
Australian Opengudagnà
Dubai (ATP 500)final (pers cunter Federer)
Indian Wells (ATP 1000)gudagnà
Miami (ATP 1000)gudagnà
Monte-Carlo (ATP 1000)gudagnà
Roma (ATP 1000)gudagnà
French Open final (pers cunter Wawrinka)
Wimbledongudagnà
Montreal (ATP 1000)final (pers cunter Murray)
Cincinnati (ATP 1000)final (pers cunter Federer)
US Open gudagnà
Peking (ATP 500)gudagnà
Schanghai (ATP 1000)gudagnà
Paris-Bercy (ATP 1000)gudagnà