Siglir tar il cuntegn

Naziunal/Internaziunal Doping: Novs cas da suspect en la Kenia

Curt avant ch’ils gieus olimpics a Rio de Janeiro cumenzan, vegn il pajais african in'ulteriura giada sut suspect pervi da novas scuvertas da doping.

Placat.
Legenda: Nova renfatschas da doping encunter atlets da la Kenia. Keystone

En ina reportascha mussa l'emettur ARD ensemen cun la «Sunday Times» quant derasà che doping para dad esser en il pajais african.

Avant ina camera zuppada rapportan dus medis kenians da praticas da doping massivas. In dad els ha declerà ch'el haja dopà almain 50 atlets.

Tenor l'ARD èn ils medis entant vegnids arrestads. Els vegnan interrogads da la polizia keniana. Uffizialmain refuseschan els mintga cumportament sbaglià.

La Kenia stat dentant dapi pli ditg en la critica pervi da numerus fallaments da doping.

RR novitads 10:00