Il paracampiunadi europeic ha cumenzà a moda perfecta per la Svizra. Ils dus atlets en sutga da rodas Manuela Schär e Marcel Hug han gudagnà la medaglia d’aur en la cursa sur 5’000 meters.
5avel titel ad in campiunadi europeic
Manuela Schär, che ha gudagnà ses tschintgavel titel da campiunessa europeica, n’ha laschà nagina schanza a l’Ollandaisa Margriet van den Broek che è vegnida segunda. Bronz è ì a Gunilla Wallengren da la Svezia. Sin plaz 4 e 5 èn, cun Alexandra Helbling e Patricia Keller, sa classadas duas ulteriuras Svizras.
Hug gudogna en il spurt final
La cursa dals umens è stada fin la fin plain tensiun. Hug ed il Tudestg Alhassane Balda han cumbattì per la medaglia d’aur. A la fin è il cletg stà sin la vart dal campiun mundial sur 5’000 da Nottwil.
Il program al campiunadi europeic n’è per il Svizzer anc betg a fin. Sin Hug spetgan anc la cursa sur 800 meters e quella sur 1’500 meters.
RR novitads 22:00