Siglir tar il cuntegn

Naziunal/Internaziunal Duas medaglias svizras als X-Games ad Aspen

Andri Ragettli da Flem è daventà terz en il Slopestyle. Sarah Höfflin da Genevra ha fatg aur en la sparta Big-Air.

Purtret dad Andri Ragettli en l'aria.
Legenda: Andri Ragettli ha fatg bronz als X-Games ad Aspen. Keystone

Andri Ragettli è saglì ad Aspen als X-Games per l'emprima giada sin il podest. Il giuven da 19 onns è vegnì terz en il Slopestyle. Be in punct ha mancà a Ragettli per il triumf grond. Il Norvegiais Oystein Braaten ha stuschà el cun ses segund sigl per 0,33 puncts dal segund plaz. Gudagnà ha il Svedais Henrik Harlaut. Quel ha gudagnà l'emprima giada en il Slopestyle, suenter quatter victorias en il Big Air.

Surpraisa tar las dunnas

Sarah Höfflin ha procurà per ina surpraisa tar ils X-Games. Tar ses debut ad Aspen en ils Stadis Unids gudogna la skiunza da Genevra da 27 onns la medaglia d'aur. Gia in di avant era Sarah Höfflin sa rangada tranter las 4 meglras tar il Slopestyle.

RR novitads 06:00