Siglir tar il cuntegn
cuntegn

Naziunal/Internaziunal Duas Svizras tranter las emprimas diesch

Mikaela Shiffrin gudogna a Levi en la Finlanda la cursa da slalom. Wendy Holdener e Michelle Gisin vegnan sin plaz 5 e 10.

Wendy Holdener.
Legenda: Wendy Holdener. Keystone

Il podest:

  1. Mikaela Shiffrin 1:32.61
  2. Petra Vlhova +0.58
  3. Bernadette Schild +0.79

L'Americana Mikaela Shiffrin ha gudagnà il slalom avant la Slovaca Petra Vlhova e l'Austriaca Bernadette Schild. Per Schiffrin è quai la 44avla victoria d'ina cuppa mundiala e la 33avla en in slalom.

Las Svizras:

  • 5. Wendy Holdener +0.85
  • 10. Michelle Gisin +1. 95
  • 28. Carole Bissig +5.21

Mo per 6 tschientavels ha la skiunza svizra Wendy Holdener manchentà il podest. Tar l'emprim slalom da la stagiun da la cuppa mundiala a Levi en la Finlanda è ella vegnida 5avla. Ses retard sin la victura Mikaela Shiffrin ha la finala muntà ad 85 tschientavels.

Michelle Gisin ha terminà la cursa sco 10avla. La skiunza dad Engelberg ha uschia en la segunda cursa anc pudì far bun trais plazs. E cun Carole Bissig ha anc ina terza Svizra pudì ramassar puncts. La skiunza da 22 onns è vegnida 28avla.

RR novitads 15:00