Siglir tar il cuntegn

Header

Navigaziun

Legenda: Tadlar il audio Saira: Prevista sin gieu da qualificaziun Svizra cunter Danemarc. Durada 02:30 minutas.
Or da Actualitad dals 26.03.2019.
cuntegn

Naziunal/Internaziunal Duel dals favurits da gruppa

En il segund gieu da qualificaziun per il proxim campiunadi europeic il 2020 frunta la naziunala svizra da ballape questa saira a las 20:45 uras en il St. Jakob-Park a Basilea sin il Danemarc.

Ils Danais valan sper ils Svizzers sco ils favurits da gruppa. Il Danemarc persvada oravant tut en la defensiun. En ils quatter gieus da la Nations League han ils Danais incassà sulet in gol. Tuttina è l‘equipa da Vladimir Petkovic il favurit. Ils Svizzers han gudagnà 11 dals davos 12 gieus da chasa ed ina giada giugà pari.

Cun ina victoria pudessan ils Svizzers gia far in emprim pass direcziun campiunadi europeic. L‘emprim gieu da qualificaziun han ils Svizzers numnadamain gudagnà la sonda a Tiflis cunter la Georgia cun 2:0. Avant la pausa aveva l‘equipa da Petkovic gì difficultads da crear schanzas da gol, suenter la pausa avevan Granit Xhaka e collegas dentant persvadì.

Il Radio Rumantsch rapporta live dal gieu Svizra - Danemarc, quai a partir da las 20:00 uras.

RR actualitad 17:00