Siglir tar il cuntegn

Header

La sort ha decis: Ils quartfinals da la Champions League.
Legenda: La sort ha decis: Ils quartfinals da la Champions League. Keystone
cuntegn

Naziunal/Internaziunal Duels spagnols en la Champions League ed en l’Europa League

La sort ha decis tge squadra ha da dar in cunter l'autra. Tant en la Champions League sco er en l'Europa League fruntan equipas spagnolas in sin l'autras.

Duel spagnol en il quartfinal da la Champions League. Il defensur dal titel Barcelona frunta sin Atletico Madrid. En la sedia da la UEFA a Nyon ha la sort procurà anc per ils suandants gieus: Wolfsburg cun ils svizzers Diego Benaglio e Ricardo Rodriguez frunta sin Real Madrid cun il superstar Cristiano Ronaldo. Bayern München dat encunter Benfica Lissabon e Paris Saint-Germain encunter Manchester City. Ils gieus da partenza èn ils 5 e 6 d'avrel, quels da return ils 12 e 13 d'avril.

Ils duels en ils quartfinals da l'Europa League

In duel spagnol datti era en ils quartfinals da la Europa League. Athletic Bilbao dat encunter il defensur dil titel Sevilla, l'equipa ch'ha eliminà il campiun svizzer Basilea. Brisants è era il duel tranter Borussia Dortmund ed igl FC Liverpool, quai pervia ch'il trenader da Liverpool Jürgen Klopp frunta sin ses anteriur club. Ultra da quai dat Braga encunter Schachtjor Donezk e Villareal encunter Sparta Prag. Ils gieus da partenza èn ils 7 d'avril, quels da return ils 14 d'avril.

RR novitads 14:00

sda/um