Siglir tar il cuntegn

Header

Giugadra dal FCZ.
Legenda: En Svizra marschan las dunnas dal FCZ da victoria a victoria. Keystone
cuntegn

Naziunal/Internaziunal Dunnas dal FCZ en la champions league

7 titels da campiunessas svizras, tschintg giadas ils ultims tschintg onns. Da l’equipa da las dunnas dal FCZ spetg’ins perquai er insatge en la champions league.

Las dunnas dal FCZ han dominà il campiunadi svizzer da ballape durant ils ultims onns. Dapi l’onn 2012 ha l’equipa turitgaisa mintgamai pudì festivar il titel, era questa primavaira. En Svizra dominescha il FCZ da las dunnas dad A fin Z. Uss duess l’equipa era procurar per furori en la champions league. Suenter ils onns 2013 e 2014 vul l’equipa puspè ina giada sa qualifitgar per l’otgavelfinal, e lura forsa far il pass en il quartfinal ed uschia udir tar las meglras 8 equipas da l’Europa.

En l’emprima runda da playoff da la champions league frunta il campiun svizzer sin Sturm Graz da l’Austria. Turitg vala sco il favurit uschia che las schanzas èn bunas per far il pass en l’otgavelfinal. L’emprim gieu è mesemna saira, ils 5 d’october a las 18:00 uras a Graz. Il gieu da return a Turitg è lura in in’emna pli tard.