Siglir tar il cuntegn

Header

La trenadra da l’equipa naziunala svizra, Martina Voss-Tecklenburg (dretg) cun las ultimas indicaziuns avant il gieu.
Legenda: La trenadra da l’equipa naziunala svizra, Martina Voss-Tecklenburg (dretg) cun las ultimas indicaziuns avant il gieu. Keystone
cuntegn

Naziunal/Internaziunal Dunnas svizras fruntan sin las campiunessas mundialas

Per l’equipa naziunala svizra da ballape da las dunnas cumenza questa notg a las 4 temps svizzer il campiunadi mundial. Las Svizras dattan a Vancouver en il Canada encunter las Giapunaisas, las actualas campiunessas mundialas.

Ina da las fermezzas da las giugadras svizras è ch’ellas sajettan blers gols. Ramona Bachmann, Lara Dickenmann ed Ana-Maria Crnogorcevic per exempel han ina quota da gols sco a sias uras Alex Frei en la naziunala dals umens. Ellas tutgan exact sco Frei en media en mintga segund gieu.

Cun ina motivaziun speziala po Ana-Maria Crnogorcevic cumenzar il campiunadi mundial en il Canada. La Bernaisa cun ragischs croatas ha gudagnà dacurt cun il FFC Frankfurt la Champions League da las dunnas.

Artitgels legids il pli savens

Scrollar a sanestra Scrollar a dretga