Siglir tar il cuntegn

Header

Martina Hingis e Sania Mirza
Legenda: Martina Hingis e Sania Mirza termineschan la stagiun sco numer 1 da la glista mundiala da tennis dubel. Keystone
cuntegn

Naziunal/Internaziunal Duo Hingis/Mirza triumfescha a Singapur

Suenter 15 onns è Martina Hingis puspè sisum il tron da tennis. Almain en il dubel. Ensemen cun sia partenaria Sania Mirza da l'India ha Hingis gudagnà a moda suverana il final da la stagiun, ils WTA-Finals a Singapur.

En il final han Hingis/Mirza declassà lur adversarias spagnolas Garbiñe Muguruza e Carla Suarez Navarro. En mo in'ura e 6 minutas han ellas gudagnà cun 6:0 e 6:3. Per il duo Hingis/Mirzi, che dat pir dapi il mars da quest onn ensemen, èsi la 9avla victoria en il 10avel final da la stagiun.

Gia ils onns 1999 e 2000 aveva Martina Hingis gudagnà ils WTA-Finals, lura ensemen cun la Russa Anna Kurnikova. Uss, cun 35 onns puspè. Sper quest grond success a la fin da la stagiun ha Martina Hingis er anc gudagnà quest onn ils Grands Slams da Wimbledon e da New York, e quai tant en il dubel sco en il mixed. Martina Hingis e Sania Mirza termineschan la stagiun sco numer 1 da la glista mundiala da tennis dubel.

RR sportissimo 12:00