Per ils ZSC Lions na giogan ils resultats nagina rolla pli. Ils Turitgais termineschan la qualificaziun sin l’emprim plaz da la tabella e fruntan en il quartfinal sin l’otgavel da la tabella.
Per il HCD vai dentant per restar sin il segund plaz da la tabella. Il mument ha Tavau in avantatg da be 2 puncts sin Genevra Servette e 4 puncts sin il EV Zug.
Tensiun en il cumbat per ils playoffs
Anc pli brisant è il cumbat per ils dus davos plazs en ils playoffs. Per quests dus plazs cumbatta anc in quartet cun Kloten, Berna, Losanna ed Ambri. Las meglras cartas avant ils dus davos gieus da qualificaziun han Kloten e Berna che sa chattan per il mument anc sur il stritg.