Suenter che Ryan Regez ha gudagnà ier per l'emprima giada ina cursa da la cuppa mundiala, è el daventà oz terz, gist suenter ses cumpatriot Romain Détraz. Gudagnà ha il Franzos Jean-Frédéric Chapuis.
Meglra Svizra è Lüdi sin plaz 5
Tar las dunnas è la quatter-dubla victura da la stagiun, Fanny Smith crudada ora gia en il quartfinal. Sanna Lüdi sco meglra Svizra è vegnida 5avla. Ella po oz era anc festivar ses 33avel anniversari. Gudagnà ha la Svedaisa Sandra Näslund, che maina era en il classament general da la cuppa mundiala.
RR novitads 14:00