Siglir tar il cuntegn

Header

cuntegn

Naziunal/Internaziunal Dybala demontescha ils Young Boys

En la segunda runda da la Champions League han ils Young Boys da Berna pers ordaifer cunter Juventus Turin cun 0:3.

L'Argentin Paulo Dybala è stà l'um da la partida. El ha sajettà tuts trais gols per Juventus Turin. L'emprim gia suenter tschintg minutas. Il campiun svizzer n’ha strusch gì ina schanza.

L'emprima partida da la fasa da gruppas han ils Young Boys pers cunter Manchester United medemamain cun 0:3. YB spetga uschia vinavant sin ses emprim gol en la Champions League insumma.

En la medema gruppa ha Manchester United giugà pari 0:0 cunter Valencia. En la tabella da la gruppa H maina Juventus cun sis puncts avant Manchester cun quatter. Valencia ha in punct ed YB anc nagins.

Ils ulteriurs resultats dals 02-10-2018

Hoffenheim – Manchester City 1:2

Manchester United – FC Valencia 0:0

Lyon – Schachtar Donezk 2:2

AS Roma – Victoria Pilsen 5:0

ZSKA Moscau – Real Madrid 1:0

AEK Athen – Benfica Lissabon 2:3

Bayern München – Ajax Amsterdam 1:1

audio
Saira: Prevista – Gieu da Champions League tranter Juventus Turin ed YB
ord Actualitad dals 02.10.2018.
laschar ir. Durada: 1 minuta 34 Secundas.

RR novitads 22:00

Artitgels legids il pli savens