Gia cun 15 onns era Elias Ambühl sa participà a concurrenzas dals profis. Ses pli gronds success ha il Grischun da 26 onns festivà en la disciplina Big Air. Là ha el tranter auter gudagnà quatter medaglias da bronz als X-Games.
Uss vul Elias Ambühl sa deditgar a novs projects, el che vegn il cumenzament dal 2019 l'emprima giada bab. El maina ensemen cun sia dunna ina bar a Tschappina. Ed el vul lavurar en il futur sco pilot per transports da helicopter. Vitiers daventa el expert tar la televisiun svizra SRF.
RR actualitad 21:00
